:: Ingak sokmo hok mok pese ::

Ingak sokmo hok mok pese,
nak-nak kali ambo nok turun jale,
Jange lupo ko Tuhe,
kito ore Isle, tok leh tingga semaye.

Ingak sokmo hok mok pese,
walau jauh duduk tepak ore,
jange lupo kapung lame
Woreh waroh di Kelate,
tok leh sombong nge ore.

Pese ibu bapok sikit ambo tok lupo,
Pese ibu bapok ingak pah bilo-bilo,
Pese turun pulok,
Oyak wi ko anok ambo,
Kito harto takdok,
Pesane jadi sakko.

Ingat sokmo hok mok pese,
Kito susoh jange tupe oghe,
Toksoh bimbe beghute,
Kalu de banyok hute,
Hidup payoh nok sene.

Hok mok pese hari-hari,
Panda-panda jago diri sediri,
Baloh kekoh jange cari,
Tepat susoh jange duk gi,
Ore khenak keno lari.

Maso kito kayo rama la saing sobat,
dan susoh so karo, kucing pun tok duk dekat,
maso sene lene rama la kaum krabat,
dan xdop gapo karo, lalat pun tok se inggak.

Ingat lagi hok mok pese,
Berati-ati dale wak kijo bechagho,
Lidoh maruah kito,
Hati ore keno jago,
Tok baik ngupak ngato.

Hok mok pese hari-hari,
Kito keno kena diri sediri,
Kito makhluk keno jati,
Mano asal kito mari,
Pah mano kito nok gi.

Pesene mok ambo ikhlas mari di hati,
Pese ko anok dio yak mulo sapa loni.

INGAK SOKMO HOK MOK PESE!

pese ayoh pon xleh lupo jugop!